Un xogo rápido de observación no que teremos que ser os primeiros en atopar o culpable. Moriarty e os seus cómplices andan soltos e haberá que axudar a Sherlock a atrapalos.  Non será doado xa que visualmente teremos que ir descartando os inocentes ata que nos quede un só culpable. Terás que observar, asociar e memorizar as coartadas para chegar a saber quén é o culpable. Comezamos. Quén se atreve?

COMO SE XOGA?

Colócase o mazo de cartas de sospeitosos no centro da mesa e colócanse 6 cartas rodeando o mazo boca arriba. Repartimos as cartas de coartadas, o mesmo número a cada xogador e colocámolas boca abaixo. Cada xogador no seu turno xira unha carta de pista que poden ser de tres tipos: escenario, característica ou personaxe. Teremos que ir descartando culpables, sen decir nada, memorizándoo, cando saibamos quen é o culpable poñemos a mán enriba e se é correcto collemos a carta.

No caso en que todas as coartadas descarten todos os sospeitosos será Moriarty e teremos que poñer a mán enriba do mazo central de culpables. 

O xogador que consiga 5 cartas de culpable gaña a partida. 

CONTIDO:

- 27 cartas de sospeitoso.

- 36 cartas de coartada.

Gústanos porque é un xogo rápido e divertido para xogar en familia ou entre amigos. Xogando desarrollamos a agudeza visual, concentración, memoria, velocidade de procesamento e de resposta.

Mercurio Distribuciones é unha empresa que naceu no 2005 co fin de distribuir ocio para toda a familia. Desde 2013 dedícanse a distribuir un amplio catálogo de xogos de mesa educativos.

Recomendado para máis de 7 anos.

De 2 a 6 xogadores.