Un xogo baseado nun material empregado en terapias visuais relacionadas coa vista, a concentración e a compresión lectora. 

COMO SE XOGA?

Teremos que identificar a palabra agochada no círculo segundo nos indique a dinámica do xogo. Por exemplo se unha carta sinala o amarelo na seguinte teremos que ordenar as letras da fila amarela e se non lemos aínda en minúsculas lemos a máis próxima a ésta en maiúscula, así permete establecer dous niveis de xogo: para os que están aprendendo a ler e para os lectores expertos. As letras están por orde pero teremos que ordenalas para descifrar a palabra. 

Traballamos a concentración, lecto-escritura, vocabulario, razoamento lóxico, expresión oral e percepción visual. Está indicado para problemas de movilidade ocular. 

Gústannos os xogos de Brazolinda porque están deseñados e fabricados de maneira artesanal en Galicia, e porque neles se mistura sempre o lúdico e o educativo. Todos os seus xogos se presentan nunha caixa de madeira pintada a mán.

Importante: as instrucións e todos os compoñentes do xogo están en galego.

Recomendado para máis de 6 anos.